Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentliginiň Howa ulaglarynyň işgärlerini taýýarlaýan mekdebi

TÜRKMENISTANYŇ MINISTRLER KABINETINIŇ ÝANYNDAKY ULAG WE KOMMUNIKASIÝALAR AGENTLIGINIŇ «TÜRKMENHOWAÝOLLARY» AGENTLIGINIŇ HOWA ULAGLARYNYŇ IŞGÄRLERINI TAÝÝARLAÝAN MEKDEBI

2022/2023-nji okuw ýyly üçin aşakdaky hünärler boýunça talyplyga kabul edýär:

1. Ýangyna garşy goragyň guralyşy we tehnikasy.
2. Awiasiýa howpsuzlygyny üpjün etmek.
3. Awiasiýada gatnawy guraýyş.
4. Howa menzilleriniň radiotehniki enjamlarynyň tehniki taýdan ulanylyşy.
5. Howa gämileriniň awiasion we radioelekron enjamlarynyň tehniki taýdan ulanylyşy.
6. Howa gämileriniň we awiaherekete getirijileriniň tehniki taýdan ulanylyşy.

Mekdebe saglyk ýagdaýy «Türkmenhowaýollary» agentliginiň lukmançylyk merkeziniň talaplaryna gabat gelýän, umumy orta bilimden pes bolmadyk binýatda bilimi bolan, ýaşy 25-den geçmedik oglanlar (harby şahadatnamasy bolan) we gyzlar giriş synaglarynyň netijeleri boýunça bäsleşik esasynda kabul edilýär.

Okuwyň möhleti 2,5 ýyl. 

Howa ulaglarynyň işgärlerini taýýarlaýan mekdepde okuwlar tölegli esasda alnyp barylýar.

Dalaşgärleriň ýaşy 2022-nji ýylyň 1-nji sentýabryna çenli hasaba alynýar. 

Resmi iş kagyzlary Aşgabat şäherinde we welaýat merkezlerinde 2022-nji ýylyň 11-nji iýuly — 13-nji awgusty aralygynda kabul edilýär.

Resmi iş kagyzlarynyň sanawy: 

• bellenilen nusga boýunça mekdebiň başlygynyň adyna ýazylan arza; 
• bellenilen nusgadaky sowalnama (anketa); 
• bilim barada resminama (asyl nusga); 
• «Türkmenhowaýollary» agentliginiň lukmançylyk merkezi tarapyndan bellenilen nusgadaky saglyk kepilnamasy; 
• narkologik hem-de psihonewrologik dispanserlerden güwähat; 
• soňky okan ýerinden (işlän ýerinden, harby bölümden) häsiýetnama; 
• bellenilen nusga boýunça okuw üçin tölegi öz wagtynda amal etmegiň kepil haty; 
• 3x4 sm ölçegde sekiz sany fotosurat;
• işleýänler üçin zähmet depderçesiniň tassyklanan göçürmesi;
• okuw dersleri boýunça mekdep okuwçylarynyň döwlet bäsleşiginiň ýeňijileri‚ halkara bäsleşiklere gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýar. 

Bulardan başga-da, okuwa girmäge isleg bildirýänler, ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar: 

• pasportyny; 
• harby şahadatnamasyny. 

Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler. 

Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.

Giriş synaglary we okuwa kabul edilmek Aşgabat şäherinde “Türkmenhowaýollary” agentliginiň Howa ulaglarynyň işgärlerini taýýarlaýan mekdebinde we welaýat merkezlerinde aşakdaky möhletlerde geçirilýär:

• Daşoguz welaýaty — awgust aýynyň 16-sy güni;
• Lebap welaýaty — awgust aýynyň 18-i güni;
• Balkan welaýaty — awgust aýynyň 20-si güni;
• Mary welaýaty — awgust aýynyň 22-si güni;
• Ahal welaýaty — awgust aýynyň 24-i güni; 
• Aşgabat şäheri — awgust aýynyň 26-sy güni. 

Giriş synaglary ähli hünärler boýunça matematika, fizika, Türkmenistanyň taryhy derslerinden geçirilýär. 

Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär. 

Okuw dersleri boýunça giriş synaglary döwlet dilinde dilden geçirilýär. 

Giriş synaglarynyň tertibinde bellenen wagtda synaga esassyz sebäplere görä gelip bilmedikler ýa-da dersleriň biri boýunça synagdan geçip bilmedikler soňky synaglara goýberilmeýär.

Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan “Bilim hakynda” Türkmenistanyň Kanunynyň rejelenen görnüşinde kesgitlenen düzgünlere laýyk gelýän dalaşgärler peýdalanýarlar. 

Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentliginiň Howa ulaglarynyň işgärlerini taýýarlaýan mekdebiniň salgysy: Aşgabat ş., aeroport. Тel.: 23-34-21.

SAGLYGY GORAÝYŞ BARLAGLARY ŞU AŞAKDAKY SAGLYK ÖÝLERINDE GEÇMELI:

(Saglyk öýleriniň doly salgysy we telefon belgisi üçin şu ýerik basyň)

Aşgabat şäheri

• Aşgabat şäher Talyplar saglyk öýi; 
• Aşgabat şäher 1-nji saglyk öýi; 
• Aşgabat şäher 15-nji saglyk öýi; 

Ahal welaýaty

• Aşgabat şäher 9-njy saglyk öýi;
• Gökdepe etrap köpugurly hassahana;
• Kaka etrap hassahanasy;
• Tejen şäher hassahanasy;
• Tejen şäher hassahanasynyň keseli anyklaýyş we maslahat beriş bölümi;

Balkan welaýaty

• Balkanabat şäheriniň 1-nji saglyk öýi;
• Balkanabat şäheriniň 2-nji saglyk öýi;
• Türkmenbaşy şäher saglyk öýi;
• Hazar şäher hassahanasy;
• Gumdag şäher hassahanasy;
• Türkmenbaşy etrap hassahanasy;
• Serdar etrap hassahanasy;
• Bereket etrap hassahanasy;
• Magtymguly etrap hassahanasy;
• Etrek etrap hassahanasy;
• Esenguly etrap hassahanasy;

Daşoguz welaýaty

• Daşoguz şäher 1-nji saglyk öýi;
• Daşoguz şäher 2-nji saglyk öýi;
• Daşoguz şäher 3-nji saglyk öýi;
• Köneürgenç etrap hassahanasynyň keseli anyklaýyş bölümi;
• Gurbansoltan eje adyndaky etrap hassahanasynyň keseli anyklaýyş bölümi;

Lebap welaýaty

• Türkmenabat şäheriniň 1-nji saglyk öýi;
• Türkmenabat şäheriniň 2-nji saglyk öýi;
• Türkmenabat şäheriniň 3-nji saglyk öýi;
• Türkmenabat şäheriniň 4-nji saglyk öýi;
• Türkmenabat şäheriniň 5-nji saglyk öýi;
• Kerki etrap hassahanasy;
• Dänew etrap hassahanasy;

Mary welaýaty

• Mary şäher 1-nji saglyk öýi;
• Mary şäher 3-nji saglyk öýi;
• Ýolöten etrap hassahanasy;
• Sakarçäge etrap hassahanasy;
• Tagtabazar etrap hassahanasy;
• Mary etrap hassahanasy;
• Wekilbazar etrap hassahanasy;
• Murgap etrap hassahanasy;
• Türkmengala etrap hassahanasy;
• Garagum etrap hassahanasy;

  RESMI IŞ KAGYZLARYNYŇ KABUL EDILÝÄN ÝERLERIŇ SALGYLARY:

Balkan welaýaty (Balkanabat şäheri, 800222)

Balkanabat şäheriniň 6-njy orta mekdebi, salgysy: Balkanabat ş. 5-nji kiçi ýaşaýyş jaý toplumy, tel: 4-00-62, 4-00-63, 4-26-24

Daşoguz welaýaty (Daşoguz şäheri, 800322)

Daşoguz şäheriniň daşary ýurt dillerine ýöriteleşdirilen 2-nji orta mekdebi, Daşoguz ş. Görogly köçesi,16-njy jaýy, tel: 6-20-90, 9-28-61

Lebap welaýaty (Türkmenabat şäheri, 800422)

Türkmenabat şäheriniň ýöriteleşdirelen 30-njy orta mekdebi, Parahat kiçi etrapça, tel: 6-69-67, 6-59-73

Mary welaýaty (Mary şäheri, 800522)

Mary şäheriniň daşary ýurt dillerine ýöriteleşdirilen 10-njy orta mekdebi, Mary ş. Parahatlyk köçesiniň 36-njy jaýy, tel.: 5-90-90, 5-92-94

Ahal welaýaty (Aşgabat şäheri, 80012)

№16 mekdep, Azatlyk köçesi, 15, telefon: 3-44-08

Aşgabat şäheri (80012)

«Türkmenhowaýollary» agentliginiň Howa ulaglarynyň işgärlerini taýýarlaýan mekdebi; Aşgabat ş., aeroport. Тel.: 23-34-21.

Resmi iş kagyzlarynyň kabul ediljek: 2022-nji ýylyň 11-nji iýul-13-nji awgust aralygynda (dynç günsiz) 8:00-dan 18:00-a çenli. Arakesme 13:00-dan 14:00-a çenli.