Magtymguly adyndaky Türkmen döwlet uniwersiteti

Magtymguly adyndaky Türkmen döwlet uniwersiteti

Awtor: -
Neşirýat: -
Bölüm:
Sahypa: -
Formaty: .PDF
Çeşme: Türkmenistan gazeti
Tags: -

MAGTYMGULY ADYNDAKY TÜRKMEN DÖWLET UNIWERSITETI

2024/2025-nji okuw ýyly üçin aşakdaky hünärler (hünärmen maksatnamasy) we taýýarlygyň ugurlary (bakalawr maksatnamasy) boýunça talyplyga kabul edýär:

I. Hünärmen maksatnamasy (býujet esasynda):

  • Matematika we mehanika (hünärler: matematika; amaly matematika we informatika).
  • Fizika we astronomiýa (hünärler: fizika; radiofizika we elektronika; astronomiýa).
  • Biologiýa ylymlary (hünär: biologiýa).
  • Himiýa (hünär: himiýa).
  • Ýeri öwreniş ylymlary (hünärler: geografiýa; kartografiýa; meteorologiýa; ekologiýa). 
  • Psihologiýa ylymlary (hünär: psihologiýa).
  • Taryh we arheologiýa (hünär: arheologiýa). 
  • Filosofiýa, etika we dini öwreniş (hünär: filosofiýa). 
  • Ylahyýet (hünär: ylahyýet). 
  • Syýasy ylymlar we sebiti öwreniş (hünärler: syýasaty öwreniş; gündogary öwreniş).
  • Dil bilimi we edebiýaty öwreniş (hünärler: türkmen dili we edebiýaty; iňlis dili we edebiýaty; nemes dili we edebiýaty; fransuz dili we edebiýaty; italýan dili we edebiýaty; arap dili we edebiýaty; türk dili we edebiýaty; pars dili we edebiýaty; hytaý dili we edebiýaty). 
  • Köpçülikleýin habar beriş serişdeleri we maglumat-kitaphana işi (hünär: žurnalistika).

II. Hünärmen maksatnamasy (tölegli esasda): 

  • Matematika we mehanika (hünärler: matematika; amaly matematika we informatika). 
  • Fizika we astronomiýa (hünärler: fizika; radiofizika we elektronika). 
  • Informatika we hasaplaýyş tehnikasy (hünär: maglumat ulgamlary we tehnologiýalary). 
  • Biologiýa ylymlary (hünär: biologiýa). 
  • Himiýa (hünär: himiýa). 
  • Psihologiýa ylymlary (hünär: psihologiýa). 
  • Taryh we arheologiýa (hünär: taryh). 
  • Dil bilimi we edebiýaty öwreniş (hünärler: türkmen dili we edebiýaty; iňlis dili we edebiýaty, rus dili we edebiýaty). 
  • Hukuk işi (hünär: hukuk öwreniş).

III. Bakalawr maksatnamasy (býujet esasynda): 

  • Sosiologiýa we durmuş işi (taýýarlygyň ugry: durmuş işi).

IV. Bakalawr maksatnamasy (tölegli esasda):

  • Bilim we pedagogika (mugallymçylyk) ylymlary (taýýarlygyň ugurlary: pedagogika bilimi (matematika we informatika); pedagogika bilimi (informatika we bilimde maglumat tehnologiýalary); pedagogika bilimi (geografiýa we ykdysadyýetiň esaslary).

Uniwersitete Türkmenistanyň umumy orta ýa-da orta hünär bilimli, ýaşy 35-den geçmedik raýatlary giriş synaglarynyň netijeleri boýunça bäsleşik esasynda kabul edilýär.

Resmi iş kagyzlary welaýat merkezlerinde we Aşgabat şäherinde 2023-nji ýylyň 17 — 30-njy iýuly aralygynda kabul edilýär.

Resmi iş kagyzlarynyň sanawy:

— bellenilen nusgada rektoryň adyna ýazylan arza;

— bellenilen nusgadaky sowalnama (anketa);

— umumy orta (ýa-da orta hünär) bilim baradaky resminama (asyl nusgasy);

— Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;

— soňky okan ýerinden (işlän ýerinden, harby bölümden) häsiýetnama;

— 3x4 sm ölçegdäki sekiz sany fotosurat;

— işleýänler üçin zähmet depderçesiniň tassyklanan göçürmesi;

— giriş synaglaryndan üstünlikli geçen ýagdaýynda hünär bilimi edaralaryna kabul edilende artykmaçlyklardan peýdalanýan okuwa girýän ýylynda mekdep okuwçylarynyň dersler boýunça döwlet bäsleşiginiň ýeňijileri, umumybilim dersleri boýunça halkara bäsleşiklerine gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar.

Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar:

— şahsy pasportyny;

— Türkmenistanyň Ýaragly Güýçlerinde harby gullugy geçenler harby şahadatnamasyny, harby gullugy geçmedik ýigitler ýazylyş şahadatnamasyny we ýaşaýan ýeri boýunça harby wekillikden güwähatyny.

Dalaşgär talyplyga kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler.

Nädogry berlen maglumatlar we resmi iş kagyzlary üçin dalaşgär şahsy jogapkärçilik çekýär.

Giriş synaglary we okuwa kabul edilmek uniwersitetde (Aşgabat şäheri) aşakdaky möhletlerde geçirilýär:

  • Aşgabat we Arkadag şäherleri — iýul aýynyň 31-i, awgust aýynyň 1-2-si we 3-i günleri;
  • Mary welaýaty — awgust aýynyň 4-5-si, 6-sy we 7-si günleri;
  • Balkan welaýaty — awgust aýynyň 8-i, 9-y we 10-y günleri;
  • Daşoguz welaýaty — awgust aýynyň 11-12-si, 13-i we 14-i günleri;
  • Ahal welaýaty — awgust aýynyň 15-16-sy, 17-y we 18-i günleri;
  • Lebap welaýaty — awgust aýynyň 19-y, 20-i we 21-i günleri.

Giriş synaglary aşakdaky dersler boýunça geçirilýär:

  • matematika; amaly matematika we informatika; maglumat ulgamlary we tehnologiýalary hünärleri we taýýarlygyň ugurlary — matematika, fizika, Türkmenistanyň taryhy;
  • fizika; radiofizika we elektronika hünärleri — fizika, matematika, Türkmenistanyň taryhy;
  • biologiýa hünäri — biologiýa, himiýa, Türkmenistanyň taryhy;
  • himiýa hünäri — himiýa, biologiýa, Türkmenistanyň taryhy;
  • geografiýa; ekologiýa hünärleri — geografiýa, biologiýa, Türkmenistanyň taryhy;
  • kartografiýa; meteorologiýa hünärleri — geografiýa, matematika, Türkmenistanyň taryhy;
  • psihologiýa hünäri — biologiýa, türkmen dili we edebiýaty, Türkmenistanyň taryhy;
  • taryh; arheologiýa; gündogary öwreniş; syýasaty öwreniş; filosofiýa; ylahyýet hünärleri — Türkmenistanyň taryhy, türkmen dili we edebiýaty, jemgyýeti öwreniş;
  • türkmen dili we edebiýaty; žurnalistika hünärleri — türkmen dili we edebiýaty, Türkmenistanyň taryhy, jemgyýeti öwreniş;
  • iňlis dili we edebiýaty; fransuz dili we edebiýaty; nemes dili we edebiýaty; pars dili we edebiýaty; türk dili we edebiýaty; arap dili we edebiýaty; hytaý dili we edebiýaty hünärleri — saýlap alan hünär dili ýa-da iňlis dili, türkmen dili we edebiýaty, Türkmenistanyň taryhy;
  • italýan dili we edebiýaty hünäri — iňlis dili, türkmen dili we edebiýaty, Türkmenistanyň taryhy;
  • rus dili we edebiýaty hünäri — rus dili, türkmen dili we edebiýaty, Türkmenistanyň taryhy;
  • hukuk öwreniş hünäri — Türkmenistanyň taryhy, türkmen dili we edebiýaty, jemgyýeti öwreniş.

Dersler boýunça giriş synaglary Türkmenistanyň orta mekdepleriniň okuw maksatnamalarynyň esasynda geçirilýär.

Degişli dil öwredýän derslerden başga, ähli dersler boýunça giriş synaglary döwlet dilinde dilden geçirilýär.

Giriş synaglarynyň tertibinde bellenilen wagtda synaglara esassyz sebäplere görä gelip bilmedikler ýa-da dersleriň biri boýunça synaglardan geçip bilmedikler soňky synaglara goýberilmeýär.

Giriş synaglarynyň netijeleri boýunça deň mukdarda baha alanlardan talyplyga kabul edilmek üçin artykmaç hukukdan aşakda görkezilenler peýdalanýarlar:

— mugallymçylyk mekdebini tamamlan we mugallymçylyk ugrundan 2 ýyldan az bolmadyk iş tejribesi bolanlar (mugallymçylyk hünärlerine);

— çagyryş boýunça harby gullugy geçenler;

— hukuk öwreniş hünärine girýänler üçin hukuk goraýjy edaralarda 2 ýyldan az bolmadyk iş tejribesi hem-de şol edaralaryň döwlet we welaýat derejesindäkilerinden hödürnamasy bolanlar.

Magtymguly adyndaky Türkmen döwlet uniwersitetiniň salgysy: Aşgabat ş., Saparmyrat Türkmenbaşy şaýoly, 31, tel.: 94-69-90, 94-54-29.

Teswirler

Обязательные поля помечены *. Ваш электронный адрес не будет опубликован.
Admin 19 Jul, 2023
@ Didar Howa yokary okuw jayynyn ozunde gechyar.
Didar 19 Jul, 2023
Ahal welayatynynam egzamyny uniwersetde gecyami
Admin 18 Jul, 2023
@ Merdan. Anew shaherinin 27-nji orta mekdebinde
Merdan 18 Jul, 2023
Ahal welayaty boyunca dokumentler nerede kabuledilyar
Admin 18 Jul, 2023
@ A.T.G. Howa
A.T.G. 18 Jul, 2023
Egzamin uniwersitetiň özünde geçilýärmi
Lale 17 Jul, 2021
Ekzamena nahili formada barmalyka
Serdar 17 Jul, 2021
Admin salam magtymgulyñ bakalawyrny (bilim we pedagokigany) okap näme işde işläp bolýarka ???
Gulya 17 Jul, 2021
Admin Matematika we mehanika stipendiýaly kabul edýän talyp sany Balkan welayaty boyunca nace
Admin 17 Jul, 2021
@Şaperi Syýasat ylymlary we sebit öwreniş, diňe stipendiyaly: 23; töleglisi ýok
Admin 17 Jul, 2021
@Yazgul stipendiyaly: 80, tölegli: 45
Yazgul 17 Jul, 2021
Hukuk fakulteti nace sany tölegli nace sany tölegsiz talyp kabul edyar?
Şaperi 17 Jul, 2021
Syyasaty owrenise nace stipendiyaly nace tolegli
Lale 16 Jul, 2021
Ekzamenler gecen yylky yaly velayatlarda gecyamika
Admin 15 Jul, 2021
Soraglara jogap berilmegi hem-de has giňişleýin maglumatlar üçin Play marketdan Kitaphana programma 5 ýyldyz goýmagy we Kitaphana programmany Imo arkaly istoriýaňyzda dostlaryňyz bilen paýlaşmagy unutmaň. Häzirki wagtda programmany we websaýty ulanýan gaty az, Sorag berýän hem şo bir adamlar, Programmany ulanýan köpeldigiçe biziň eden azabymyz ýerine düşer.
Rüstem 15 Jul, 2021
Salam, admin. Ylahyýet fakultetinde okap nirelerde işläp bolarka?
Admin 15 Jul, 2021
@Gunca Ýeri öwreniş ylymlary hünäri geografiýa fakulteti bolýar
Admin 15 Jul, 2021
@Nowruz, Ýeri öwreniş ylymlary: Stipendiýaly: 61; Tölegli:55
Gunca 14 Jul, 2021
Geografiya fakultetine tolegli nace okuwcy alya aydayyn hayys
Nowruz 14 Jul, 2021
Admin Yeri owrenis ylymlaryna nace adam kabul edyarka